Дүйсенбі, 16 қараша 2026
ҰЛТТЫҚ БАНК16.11.2026
USD444,30₸0,00
EUR490,91₸0,00
RUB5,41₸0,00
CNY66,59₸0,00
ШҰҒЫЛ

ПАВЛОДАР ОБЛЫСЫНДА ДАУЫЛДАН 49 ТҰРҒЫН ҮЙ БҮЛІНДІ

Облыс әкімдігінің мәліметінше, 19 шілде күні өңірде желдің екпіні секундына 20 метрге дейін жетіп, кей жерлерде бұршақ жауған. Қолайсыз ауа райы тұрғын үйлердің шатырларын ұшырып, электр желілері мен әлеуметтік инфрақұрылым нысандарына зақым келтірген.

Табиғи апаттың салдарынан Ақсу қаласына қарасты Қалқаман кенті мен Екібастұз қаласының Құдайкөл ауылында 2 көпқабатты және 47 жеке тұрғын үйдің шатырлары ішінара бүлінген. Осылайша, жалпы саны 49 тұрғын үй зардап шекті.

Сонымен қатар, әлеуметтік маңызы бар нысандар мен электр желісі шаруашылығының бірқатар объектілеріне де зақым келген. Қазіргі уақытта арнайы комиссия келтірілген шығын көлемін анықтап, қалпына келтіру жұмыстарын жүргізіп жатыр.

Жергілікті атқарушы органдар тұрғындардың қауіпсіздігін қамтамасыз ету және бүлінген инфрақұрылымды қалпына келтіру бағытында қажетті шараларды қолға алған. Зардап шеккен нысандар бойынша жағдай бақылауда.