Дүйсенбі, 16 қараша 2026
ҰЛТТЫҚ БАНК16.11.2026
USD444,40₸+0,10
EUR488,97₸−1,94
RUB5,39₸−0,02
CNY66,66₸+0,07
ШҰҒЫЛ

БИШІМБАЕВТАР ӘУЛЕТІ ЭКС-КЕЛІНІНЕН 25 МИЛЛИОН ТЕҢГЕ ӨНДІРІП АЛМАҚ

Назым Қаһарманның айтуынша, дау өзі 2011 жылдан бері басқарған фитнес-клубқа қатысты туындаған. Оның сөзінше, кезінде бұрынғы енесімен сенімгерлік басқару туралы келісім жасалған.

Қазіргі таңда талапкер сол келісімге сүйене отырып, фитнес-клуб қызметінен түскен табысты өндіріп алуға әрекет жасап жатқанын айтты.

Назым Қаһарман бұл өзіне қарсы соңғы екі жыл ішінде берілген төртінші талап-арыз екенін мәлімдеді.

«Бұл – соңғы екі жылда маған қарсы берілген төртінші талап-арыз. Мұны балаларымның әке жағындағы туыстарымен араласуына қатысты жасалып отырған қысым деп ойлаймын», – деді ол.

Сонымен қатар ол сенімгерлік басқару туралы келісімдерге қол қою кезінде азаматтарды барынша мұқият болуға шақырды. Оның пікірінше, туындаған даудың негізгі себебі – бұрынғы енесінің өзіне деген жеке реніші.

Әзірге Альмира Нұрлыбекова тарапынан аталған талап-арызға қатысты жария түрде түсініктеме берілген жоқ. Іс сотта қаралады, ал тараптардың уәждеріне құқықтық бағаны сот береді.