Дүйсенбі, 16 қараша 2026
ҰЛТТЫҚ БАНК16.11.2026
USD444,30₸0,00
EUR490,91₸0,00
RUB5,41₸0,00
CNY66,59₸0,00
ШҰҒЫЛ
Тәуелсіздікке — 30 жыл

АСТАНА БІЗДІҢ ТӘУЕЛСІЗДІГІМІЗДІ НЫҒАЙТУДА

Тәуелсіздіктің 30 жылында еліміз түбегейлі өзгерді. Қоғамдық-саяси қатынастар мен экономиканың барлық салаларында жаңару проецесстері қарқынды жүргізілді. Әсіресе, экономикалық реформалар жемісті болып, елдің инфрақұрылымы дамып, халықтың әл-ауқаты артып келеді.

Тәуелсіздік жылдары жаңа елордамыз — Астана қаласы бой көтерді. Бүкіл қазақстандықтардың мақтанышы және жаңа Қазақстанның жарқын символы — елорда халықаралық саясаттың аса ірі орталықтарының біріне айналуда. Елбасы атап өткендей, Астана бүгін біздің Тәуелсіздігімізді нығайтуда және дамытуда. Алматы Тәуелсіздігіміздің бесігіне айналса, Астана — болашақтың бесігі. Астана арқылы біз Қазақстанды бүкіл әлемге паш еттік.

Қазақ қарулы күштері, Республикалық ұлан, шекаралық әскерлер және әскери-теңіз флоты пайда болды. Қазақстан өз аумағында ядролық қаруды пайдаланудан өз еркімен бас тартып, өзін ядролық қарусыз ел ретінде жария етті. Жүйелі әлеуметтік-экономикалық және саяси реформаларды қарқынды жүргізу арқылы нарықтық қатынастар мен институттар құрылды, этносаралық үйлесімділік және саяси тұрақтылықты қамтамасыз еттік, әлемдік дағдарыс жағдайында экономикалық дамуға қол жеткіздік.