Ауқымды бәсекеге әлемнің әр түкпірінен 8 спорт түрі бойынша 800-ден астам спортшы қатысады. Жарысқа қатысушылар өзара бақ сынап, спорттағы шеберліктерін көрсетеді.
Халықаралық турнирдің жүлде қоры да қомақты. Жеңімпаздар мен жүлдегерлерге берілетін сыйақының жалпы көлемі 4 миллион 650 мың АҚШ долларын құрайды.
«Болашақ ойындары – 2026» жарысы Астананың халықаралық спорттық іс-шараларды өткізу орталығы ретіндегі беделін арттырып, елімізге әлемнің үздік спортшыларын жинайтын маңызды дода болмақ.



