Сейсенбі, 17 қараша 2026
ҰЛТТЫҚ БАНК17.11.2026
USD444,40₸+0,10
EUR488,97₸−1,94
RUB5,39₸−0,02
CNY66,66₸+0,07
ШҰҒЫЛ

ҚАЗАҚСТАНДА АВТОНЕСИЕГЕ СҰРАНЫС КҮРТ ТӨМЕНДЕДІ

Мамандар мұны банктердің несие рәсімдеуге қойылатын талаптарды күшейтуімен байланыстырады. Биылғы 1 шілдеден бастап несие беру тәртібіне өзгерістер енгізіліп, қаржы ұйымдары қарыз алушының төлем қабілетін бұрынғыдан да мұқият тексере бастады.

Енді банк өтініш иесінің тұрақты табыс көзінің бар-жоғына, сондай-ақ міндетті зейнетақы жарналары мен әлеуметтік медициналық сақтандыру қорына аударымдардың жүйелі түрде жүргізілуіне ерекше назар аударады. Бұл мәліметтердің барлығы мемлекеттік ақпараттық жүйелер арқылы тексеріледі.

Жаңа талаптардың негізгі мақсаты – азаматтардың шамадан тыс қарызға батуының алдын алу және несие алушылардың қаржылық тұрақтылығын қамтамасыз ету. Осылайша, банктер қарыз жүктемесі жоғары азаматтарға несие беру тәуекелін азайтуды көздеп отыр.