Telegram арнасында жариялаған видеосында Бибісара бұған дейін ІІІ дәрежелі «Барыс» орденін алғанын еске алып, ендігі арманы – І дәрежелі орденге қол жеткізу екенін жеткізді.
«Енді І дәрежелі “Барыс” орденін алып, толық кавалер атансам деймін», — деді шахматшы.
Айта кетейік, Қазақстан Президенті Қасым-Жомарт Тоқаев бұл марапатты Бибісара Асаубаеваға 2025 жылдың желтоқсанында тағайындаған болатын. Алайда орден спортшыға бірден табысталмаған.
10 маусым күні шахматшы осы мәселеге қатысты мемлекет басшысына бейнеүндеу жасап, марапаттың әлі күнге дейін берілмегенін айтқан еді. Кейін Туризм және спорт министрлігі жағдайға түсініктеме беріп, кешігуді Бибісараның халықаралық турнирлерге жиі қатысуымен байланыстырды.
Желі қолданушылары жас шахматшыны кезекті марапатымен құттықтап, оның Қазақстан спортына қосып жүрген үлесін ерекше атап өтті.



