Сейсенбі, 17 қараша 2026
ҰЛТТЫҚ БАНК17.11.2026
USD444,40₸+0,10
EUR488,97₸−1,94
RUB5,39₸−0,02
CNY66,66₸+0,07
ШҰҒЫЛ
Қоғам

ТҮРКІСТАН ҚАЛАСЫНДА 3069 ТҮЛЕК МЕКТЕП БІТІРДІ

Түркістан қаласының әкімі Әзімбек Пазылбекұлы Төле би атындағы №19 жалпы орта білім беретін мектепте өткен соңғы қоңырау салтанатына қатысып, ұстаздар мен ата-аналарды және мектеп бітіруші түлектерді құттықтады.

-Сіздерге сенім артып отырған ел бар, үміт күткен ата-ана, талмай еңбек еткен ұстаз бар. Арманға апарар жол – білім мен еңбектен басталатынын ұмытпаңыздар. Қайда жүрсеңіздер де туған жердің, қасиетті Түркістанның атын абыроймен шығарыңыздар! Сіздерге ақ жол, жарқын болашақ, сәттілік пен табыс тілеймін! – деді қала басшысы.

Түркістан қаласында биыл 55 252 оқушы білім алуда. Биылғы оқу жылында 3069 оқушы 11-сыныпты аяқтап, мектеппен қоштасты. Олардың ішінде 244 түлек «Үздік аттестатқа», 183 түлек «Алтын белгіге» үміткер бар. 44 мектептен 2799 түлек Ұлттық бірыңғай тестілеуге қатысады.