Сәрсенбі, 18 қараша 2026
ҰЛТТЫҚ БАНК18.11.2026
USD443,96₸−0,44
EUR487,73₸−1,24
RUB5,38₸−0,01
CNY66,60₸−0,06
ШҰҒЫЛ

ТҮРКІСТАН ОБЛЫСЫНДА ҚАЗАҚСТАН МЕН ӨЗБЕКСТАН ІІМ ДЕЛЕГАЦИЯЛАРЫ КЕЗДЕСТІ

Жиынға ІІМ орынбасарлары, департамент басшылары мен шекаралық аймақтардағы құқық қорғау құрылымдарының өкілдері қатысты.

Кездесудің негізгі мақсаты – құқық қорғау органдарының мемлекетаралық өзара іс-қимылын күшейту, қылмыспен бірлесіп күресудің жаңа тәсілдерін айқындау және шекаралас өңірлердегі қауіпсіздікті нығайту болды.

Кездесу барысында тараптар трансұлттық қылмысқа қарсы күрес, заңсыз көші-қон мен есірткі айналымының алдын алу, экстремизм мен терроризмнің кез келген көріністеріне жол бермеу, сондай-ақ жедел ақпарат алмасу жүйесін жетілдіру мәселелерін жан-жақты талқылады.

Кездесу барысында делегациялар тәжірибе алмасудың маңыздылығына тоқталып, бірлескен оқу-жаттығулар мен профилактикалық іс-шараларды тұрақты түрде өткізуге келісті. Сондай-ақ, тараптар алдағы уақытта арнайы жұмыс тобы құрылып, ортақ жол картасы жасалатынын жеткізді.

Қазақстан ІІМ өкілі өз сөзінде: «Бұл кездесу екі елдің қауіпсіздігін қамтамасыз ету ісіндегі ынтымақтастығын жаңа деңгейге көтеріп, халықтың тыныштығын қорғауда нақты нәтижелер береді», – деп атап өтті.

Кездесу соңында екі жақ құқық қорғау саласындағы серіктестіктің қарқынды дамып келе жатқанын атап өтіп, өңірлік тұрақтылықты қамтамасыз ету жолында бірлескен жұмысты жалғастыруға ниетті екендерін білдірді.